«Manchester Yunayted» darvozaboni David de Xea «Tottenxem» qiziqishlari doirasida bo‘lib turibdi.

Fichajes xabariga ko‘ra, London klubi 32 yoshli ispaniyalik darvozabonni yozgi transferlar vaqtida sotib olish imkoniyatini ko‘rib chiqmoqda.

Ayni damda «shporlar» uzoq muddatga Ugo Lyorisning o‘rnini bosa oladigan darvozabon qidirmoqda.

De Xeaning «Manchester Yunayted» bilan amaldagi shartnomasi joriy mavsum oxirigacha amal qiladi.

Ispaniyalik futbolchi avvalroq «Old Trafford»da qolishni istashini aytgandi. Shu bilan birga, tomonlar yangi mehnat shartnomasi bo‘yicha kelishuvga erishishdan yiroq ekanligi haqida ma’lumotlar bor.