Madridning “Real” klubi chap qanot himoyachisi Ferlan Mendi yozda jamoani tark etishi mumkin.
Fransiyalik futbolchi har doim ham Karlo Anchelotti jamoasida asosiy tarkibga kiravermaydi va bu mavsumda unda jarohatlar bilan bog‘liq muammolar bor. Ayni damda “qirollik klubi” rahbariyati 27 yoshli futbolchini yozgi transfer oynasida sotish masalasini jiddiy o‘ylab ko‘rmoqda, deya xabar beradi jurnalist Xorxe Pikon. Avvalroq, lateral o‘zining jamoadagi o‘rnidan norozi ekani haqida xabar berilgandi.
Ferlan Mendi joriy mavsumda “Real” safida 25 ta o‘yinda maydonga tushib, 1 ta golli uzatmani amalga oshirgan. Futbolchining amaldagi shartnomasi 2025 yilgacha mo‘ljallangan.
