Мадриднинг “Реал” клуби чап қанот ҳимоячиси Ферлан Менди ёзда жамоани тарк этиши мумкин.
Франциялик футболчи ҳар доим ҳам Карло Анчелотти жамоасида асосий таркибга киравермайди ва бу мавсумда унда жароҳатлар билан боғлиқ муаммолар бор. Айни дамда “қироллик клуби” раҳбарияти 27 ёшли футболчини ёзги трансфер ойнасида сотиш масаласини жиддий ўйлаб кўрмоқда, дея хабар беради журналист Хорхе Пикон. Аввалроқ, латераль ўзининг жамоадаги ўрнидан норози экани ҳақида хабар берилганди.
Ферлан Менди жорий мавсумда “Реал” сафида 25 та ўйинда майдонга тушиб, 1 та голли узатмани амалга оширган. Футболчининг амалдаги шартномаси 2025 йилгача мўлжалланган.