"Manchester Siti" markaziy himoyachisi Emerik Laport "Yuventus"ning qiziqishlar doirasida bo‘lib turibdi.

Turin klubi ispaniyalik futbolchiga asosiy da’vogarlardan biri sanaladi, bu haqda bir necha hafta avval xabar berilgandi. Ispan nashrlarining yozishicha, 28 yoshli futbolchi uchun kurashda “Yuventus”ning niyati ancha jiddiy. "Manchester Siti" futbolchi uchun 30 million yevrolik taklif olsa, uni sotishga rozi bo‘lishi kutilmoqda.

Laportga "Tottenxem" va "PSJ" klublari ham qiziqish bildirmoqda. Himoyachi joriy mavsumda “shaharliklar” safida barcha turnirlarda 16 ta o‘yinda maydonga tushib, 1 ta golli uzatmani amalga oshirdi.