"Манчестер Сити" марказий ҳимоячиси Эмерик Лапорт "Ювентус"нинг қизиқишлар доирасида бўлиб турибди.
Турин клуби испаниялик футболчига асосий даъвогарлардан бири саналади, бу ҳақда бир неча ҳафта аввал хабар берилганди. Испан нашрларининг ёзишича, 28 ёшли футболчи учун курашда “Ювентус”нинг нияти анча жиддий. "Манчестер Сити" футболчи учун 30 миллион евролик таклиф олса, уни сотишга рози бўлиши кутилмоқда.
Лапортга "Тоттенхэм" ва "ПСЖ" клублари ҳам қизиқиш билдирмоқда. Ҳимоячи жорий мавсумда “шаҳарликлар” сафида барча турнирларда 16 та ўйинда майдонга тушиб, 1 та голли узатмани амалга оширди.