"Manchester Yunayted" bosh murabbiyi Erik ten Xag Markus Reshfordning kelajagi haqida o‘z fikrlarini bildirib o‘tdi. 25 yoshli hujumchining klub bilan shartnomasi 2024 yilning o‘rtalariga qadar mo‘ljallangan.
“Bu ichki jarayon. Biz bor e’tiborimizni g‘alabaga qaratganmiz, lekin kelajak haqida ham o‘ylaymiz. Shunday qilib, biz buning ustida ishlayapmiz", dedi Ten Xag jurnalistlarga.
Joriy mavsumda futbolchi “Manchester Yunayted” safida 44 ta o‘yin o‘tkazib, 27 ta gol urdi va 9 ta golli uzatmani amalga oshirdi.
"Qizil iblislar" ayni damda APL turnir jadvalida uchinchi o‘rinni egallab turibdi.
