Portugaliyaning «Benfika» klubi hujumchi Gonsalo Ramushning narxini e’lon qildi.
Klub futbolchining sotuvidan 120 million yevro talab qilmoqda, deya xabar beradi Record. Manbaga ko‘ra, hujumchiga «Real» va Londonning «Chelsi» klublari qiziqish bildirmoqda.
21 yoshli Ramush joriy mavsumda «Benfika» safida barcha musobaqalarda 36 ta o‘yin o‘tkazib, 24 marta gol urdi va 10 bor jamoadoshlariga gol urishga yordam berdi.
Portugaliyalik hujumchiga da’vogarlar orasida «PSJ» va «Manchester Yunayted» klublari ham bor edi.
Oldinroq 120 million yevro forvardning shartnomasida ko‘rsatilgan tovon puli ekani xabar qilingandi. Transfermarkt portali portugaliyalik futbolchini 40 million yevroga baholamoqda.
