Португалиянинг «Бенфика» клуби ҳужумчи Гонсало Рамушнинг нархини эълон қилди.

Клуб футболчининг сотувидан 120 миллион евро талаб қилмоқда, дея хабар беради Record. Манбага кўра, ҳужумчига «Реал» ва Лондоннинг «Челси» клублари қизиқиш билдирмоқда.

21 ёшли Рамуш жорий мавсумда «Бенфика» сафида барча мусобақаларда 36 та ўйин ўтказиб, 24 марта гол урди ва 10 бор жамоадошларига гол уришга ёрдам берди.

Португалиялик ҳужумчига даъвогарлар орасида «ПСЖ» ва «Манчестер Юнайтед» клублари ҳам бор эди.

Олдинроқ 120 миллион евро форварднинг шартномасида кўрсатилган товон пули экани хабар қилинганди. Transfermarkt портали португалиялик футболчини 40 миллион еврога баҳоламоқда.