Milanning «Inter» klubi darvozaboni Andre Onana Angliyaning yana bir top-klubi nishoniga tushdi.

Manutdnews nashriga ma’lum bo‘lishicha, «Manchester Yunayted» futbolchini o‘z safiga qo‘shib olmoqchi.

Manbaning xabar berishicha, jamoa bosh murabbiyi Erik ten Xag Onanadan jamoaning birinchi raqamli kiperi David de Xea bilan raqobatlashishni kutmoqda. «Inter» esa, o‘z navbatida, Onanani 40 million yevroga sotishga tayyor.

Kamerunlik uchun kurashda «Yunayted»ning asosiy raqibi Londonning «Chelsi» jamoasi hisoblanadi.

Italiya chempionatining joriy mavsumida Onana 17 ta o‘yin o‘tkazib, 15 ta gol o‘tkazib yuborgan.