«Chelsi» bosh murabbiyi Grem Potter yarim himoyachi Mateo Kovachichning yozda jamoani tark etishi borasidagi mish-mishlar haqida gapirdi.
Eslatib o‘tamiz, xorvatga avvalroq «Manchester Siti» va «Bavariya» klublari qiziqish bildirayotgan edi.
«U jamoada o‘z rolini o‘ynaydi, so‘nggi bir necha o‘yinlarda esa sardor sifatida maydonga tushdi. Mening fikrimcha, Mateo jamoa uchun juda muhim futbolchi.
Biroq Kovachich klub bilan o‘z vaziyatini muhokama qilishi kerak. Agar bizda biror bir yangilik bo‘lsa, darhol sizga aytamiz», - dedi Potter matbuot anjumanida.
Kovachichning «Chelsi» bilan shartnomasi keyingi mavsum oxirida tugaydi. Futbolchi may oyida 29 yoshga to‘ladi.
