«Челси» бош мураббийи Грэм Поттер ярим ҳимоячи Матео Ковачичнинг ёзда жамоани тарк этиши борасидаги миш-мишлар ҳақида гапирди.
Эслатиб ўтамиз, хорватга аввалроқ «Манчестер Сити» ва «Бавария» клублари қизиқиш билдираётган эди.
«У жамоада ўз ролини ўйнайди, сўнгги бир неча ўйинларда эса сардор сифатида майдонга тушди. Менинг фикримча, Матео жамоа учун жуда муҳим футболчи.
Бироқ Ковачич клуб билан ўз вазиятини муҳокама қилиши керак. Агар бизда бирор бир янгилик бўлса, дарҳол сизга айтамиз», - деди Поттер матбуот анжуманида.
Ковачичнинг «Челси» билан шартномаси кейинги мавсум охирида тугайди. Футболчи май ойида 29 ёшга тўлади.