"Milan" himoyachisi Serjinyo Dest "Union Berlin"ga o‘tish niyatida emas. Ispaniyaning Relevo nashri xabariga ko‘ra, amerikalik futbolchini Germaniya Bundesligasida faoliyatini davom ettirish varianti qiziqtirmayapti.
Eslatib o‘tamiz, Serjinyo joriy mavsumda "Milan"da ijara asosida o‘ynamoqda. Futbolchining transfer huquqlari "Barselona"ga tegishli, kataloniyaliklar undan qutulmoqchi.
Dest "Barselona"ga 2020 yilning yozida Amsterdamning "Ayaks" klubidan kelib qo‘shilgan edi. Joriy mavsumda Dest Italiya chempionatida bor yo‘g‘i 8 ta o‘yinda maydonga tushdi.