"Милан" ҳимоячиси Сержиньо Дест "Унион Берлин"га ўтиш ниятида эмас. Испаниянинг Relevo нашри хабарига кўра, америкалик футболчини Германия Бундеслигасида фаолиятини давом эттириш варианти қизиқтирмаяпти.
Эслатиб ўтамиз, Сержиньо жорий мавсумда "Милан"да ижара асосида ўйнамоқда. Футболчининг трансфер ҳуқуқлари "Барселона"га тегишли, каталонияликлар ундан қутулмоқчи.
Дест "Барселона"га 2020 йилнинг ёзида Амстердамнинг "Аякс" клубидан келиб қўшилган эди. Жорий мавсумда Дест Италия чемпионатида бор йўғи 8 та ўйинда майдонга тушди.