"Real Madrid" yozgi transfer oynasiga hozirlik ko‘rmoqda. Katta ehtimol bilan hujum pozisiyasida ikki futbolchi Madrid klubini birdaniga tark etadi - Eden Azar va Marko Asensio. El Nacional xabariga ko‘ra, ushbu futbolchilarning ketishi fonida "qaymoqranglilar" Meyson Maunt uchun kurashga qo‘shilishdi.

Mauntning "Chelsi" bilan amaldagi shartnomasi 2024 yilning o‘rtalariga qadar tuzilgan. Oldinroq London klubi o‘z tarbiyalanuvchisi bilan moliyaviy shartlar bo‘yicha kelisha olmagani, shu bois shartnoma uzaytirilishi dargumon ekani xabar qilingandi. 24 yoshli Mauntga "Liverpul" jiddiy qiziqmoqda.

2022/2023 yilgi mavsumda xavbek 32 ta o‘yinda uchta gol urdi va sheriklariga oltita golli uzatmani amalga oshirdi.