"Реал Мадрид" ёзги трансфер ойнасига ҳозирлик кўрмоқда. Катта эҳтимол билан ҳужум позициясида икки футболчи Мадрид клубини бирданига тарк этади - Эден Азар ва Марко Асенсио. El Nacional хабарига кўра, ушбу футболчиларнинг кетиши фонида "қаймоқранглилар" Мэйсон Маунт учун курашга қўшилишди.
Маунтнинг "Челси" билан амалдаги шартномаси 2024 йилнинг ўрталарига қадар тузилган. Олдинроқ Лондон клуби ўз тарбияланувчиси билан молиявий шартлар бўйича келиша олмагани, шу боис шартнома узайтирилиши даргумон экани хабар қилинганди. 24 ёшли Маунтга "Ливерпуль" жиддий қизиқмоқда.
2022/2023 йилги мавсумда хавбек 32 та ўйинда учта гол урди ва шерикларига олтита голли узатмани амалга оширди.