"Arsenal" hujumchisi Gabriel Jezus Angliya chempionatining 29-turi doirasidagi "Lids" ustidan qozonilgan g‘alaba (4:1) haqida fikr bildirdi. Braziliyalik forvard o‘yin davomida dubl qayd etdi.
“Har bir o‘yinda gol urishni xohlayman. Ammo ba’zida bunday bo‘lmaydi. Meni gollardan ko‘ra uch ochko ko‘proq qoniqtirdi. Jamoani tabriklayman. Biz o‘yin oldidan to‘plar farqiga qaramaslikka va ochkolarga e’tibor qaratishga qaror qildik. Ammo ba’zida siz ko‘proq va ko‘proq gol urishga harakat qilishingiz kerak bo‘ladi, chunki bu mavsum oxirida hal qiluvchi ahamiyatga ega bo‘lishi mumkin", - dedi Jezus.
"Arsenal" 72 ochko bilan APL turnir jadvalida peshqadamlik qilmoqda.
