“Inter” yarim himoyachisi Genrix Mxitaryan Italiya chempionati doirasida “Fiorentina”ga qarshi o‘yinda jamoasining omadsizligi haqida gapirdi. "Neradzurrilar" 0:1 hisobida mag‘lub bo‘lishdi.

"Natijada o‘zimni aybdor his qilyapman, chunki gol ura olmadim. Menda ajoyib imkoniyat bor edi. Bizga hozir xotirjamlik yetishmayapti, psixologik muammo bor. Biz ketma-ket uchta o‘yinda gol ura olmayapmiz", - deya futbolchining so‘zlarini keltiradi klub matbuot xizmati.

Italiya chempionatining 28-turidan so‘ng “Inter” 50 ochko jamg‘arib, turnir jadvalida uchinchi o‘rinda bormoqda. Milanliklar ikkinchi o‘rindagi "Lasio"dan ikki ochko ortda qolmoqda.