«Real Madrid» Ispaniyada VAR tizimidan norozi. Marca xabariga ko‘ra, klub hakamlarning xatolari tasodifiy emas, deb hisoblaydi.

Madridliklar fikriga ko‘ra, videohakamlar «Barselona» manfaati uchun harakat qilmoqda va qasddan klubga zarar yetkazilishing aniq belgilari bor. «Real Madrid» so‘nggi «klasiko»dagi hakamlik ularning fikrini tasdiqlashiga ishonmoqda.

«Real Madrid» rahbarlari Ispaniya futbol federasiyasini VAR tizimi ishini tubdan o‘zgartirishga majburlamoqchi - ular VAR ishiga inson omili ta’sir ko‘rsatar ekan, tizim klubga zarar yetkazishiga ishonishadi.

O‘zgarishlar kiritilmaguncha, klub hakamlarga bosim o‘tkazishda davom etishni va o‘z televideniyesida o‘zlari mos deb bilgan shaklda videohakamlik haqida gapirishni davom ettirish niyatida.

Qayd etilishicha, futbol federaciyasi hakamlik uchun mas’ul shaxslarni o‘zgartirishni rejalashtirmagan.