«Реал Мадрид» Испанияда ВАР тизимидан норози. Marca хабарига кўра, клуб ҳакамларнинг хатолари тасодифий эмас, деб ҳисоблайди.
Мадридликлар фикрига кўра, видеоҳакамлар «Барселона» манфаати учун ҳаракат қилмоқда ва қасддан клубга зарар етказилишинг аниқ белгилари бор. «Реал Мадрид» сўнгги «класико»даги ҳакамлик уларнинг фикрини тасдиқлашига ишонмоқда.
«Реал Мадрид» раҳбарлари Испания футбол федерациясини ВАР тизими ишини тубдан ўзгартиришга мажбурламоқчи - улар ВАР ишига инсон омили таъсир кўрсатар экан, тизим клубга зарар етказишига ишонишади.
Ўзгаришлар киритилмагунча, клуб ҳакамларга босим ўтказишда давом этишни ва ўз телевидениесида ўзлари мос деб билган шаклда видеоҳакамлик ҳақида гапиришни давом эттириш ниятида.
Қайд этилишича, футбол федераcияси ҳакамлик учун масъул шахсларни ўзгартиришни режалаштирмаган.
