“Milan” yozgi transferlar vaqtida jamoani tark etishi mumkin bo‘lgan fransiyalik himoyachi Teo Ernandesga o‘rinbosar qidirmoqda, deb xabar beradi Eurosport.
Manbaga ko‘ra, Italiya klubi "Barselona" tarbiyalanuvchisi, "Benfika"da to‘p surayotgan Aleks Grimaldo hamda "Empoli"dan Fabiano Pariziga qiziqish bildirmoqda.
27 yoshli Grimaldo joriy mavsumda “Benfika” safida barcha musobaqalarda 43 ta o‘yinda maydonga tushib, 5 ta gol urdi va 13 ta golli uzatmani amalga oshirdi. 22 yoshli Parizi "Empoli" safida 25 ta o‘yinda 2 ta gol urdi.
