“Милан” ёзги трансферлар вақтида жамоани тарк этиши мумкин бўлган франциялик ҳимоячи Тео Эрнандесга ўринбосар қидирмоқда, деб хабар беради Eurosport.
Манбага кўра, Италия клуби "Барселона" тарбияланувчиси, "Бенфика"да тўп сураётган Алекс Грималдо ҳамда "Эмполи"дан Фабиано Паризига қизиқиш билдирмоқда.
27 ёшли Грималдо жорий мавсумда “Бенфика” сафида барча мусобақаларда 43 та ўйинда майдонга тушиб, 5 та гол урди ва 13 та голли узатмани амалга оширди. 22 ёшли Паризи "Эмполи" сафида 25 та ўйинда 2 та гол урди.
