Joriy mavsumda Qozog‘iston chempionatida ishtirok etayotgan "Humo" xokkey klubi finaldagi ikkinchi uchrashuvini o‘tkazdi.

Jamoamiz bugun ham Toshkentda Qozog‘istonning "Nomad" klubiga bahs olib bordi. O‘yin boshida vakillarimiz bir nechta hujumlar uyushtirishdi, hatto bir vaziyatda shayba darvoza ustuniga tegib qaytdi. Hisobni esa mehmonlar ochishdi.

Taym oxirigacha toshkentliklar nafaqat hisobni tenglashtirishdi, balki 70 soniya ichida ikkita gol urib, oldinga o‘tib olishdi.

Ikkinchi bo‘lim boshida "Nomad" hisobni tenglashtirdi. Oradan ko‘p o‘tmasdan jamoamiz uchinchi golni urgandi, ammo hakamlar videotakrorni tomosha qilib, uni bekor qilishdi. Gol qo‘l yordamida urilgan deb topildi.

Ikkinchi taym tugashiga 5 daqiqa qolganida esa qozog‘istonliklar son jihatdan ustunlikda o‘ynab, uchinchi golni urgan holda oldinga o‘tib olishdi.

Uchinchi bo‘lim boshida "Humo" yana bir kishi kam bo‘lib o‘ynadi va o‘z darvozasida shayba olib chiqdi — 2:4. Oradan ko‘p o‘tmasdan astanaliklar beshinchi shaybani ham darvozamizga kiritishdi. Taym o‘rtalarida xokkeychilarimiz hisobni 3:5 ko‘rinishga keltirishdi.

O‘yin oxirida esa maydonga darvozabon o‘rniga o‘yinchi tushirilgach, "Nomad" oltinchi golni urdi.

Shu tariqa, "Humo" finaldagi hisob tenglashdi. Endi navbatdagi 2ta o‘yin 7 va 8 aprel kunlari Astanada o‘tkaziladi.

Xokkey. Qozog‘iston chempionati. Final, 2-o‘yin
"HUMO" - "ASTANA" - 3:6 (2:1, 0:2, 1:3)
Gollar:
12:02. 0:1 — Aldiyar Nұrlan
16:27. 1:1 — Anton Rextin
17:39. 2:1  — Vadim Kravchenko
23:04. 2:2  — Aleksandr Pelevin
35:31. 2:3  — Maksim Muxametov
40:59. 2:4  — Aleksandr Pelevin
45:36. 2:5 — Samat Daniyar
49:32.  3:5 — Vadim Kravchenko
58:29.  3:6 — Nikita Kolobov