Жорий мавсумда Қозоғистон чемпионатида иштирок этаётган "Ҳумо" хоккей клуби финалдаги иккинчи учрашувини ўтказди.

Жамоамиз бугун ҳам Тошкентда Қозоғистоннинг "Номад" клубига баҳс олиб борди. Ўйин бошида вакилларимиз бир нечта ҳужумлар уюштиришди, ҳатто бир вазиятда шайба дарвоза устунига тегиб қайтди. Ҳисобни эса меҳмонлар очишди.

Тайм охиригача тошкентликлар нафақат ҳисобни тенглаштиришди, балки 70 сония ичида иккита гол уриб, олдинга ўтиб олишди.

Иккинчи бўлим бошида "Номад" ҳисобни тенглаштирди. Орадан кўп ўтмасдан жамоамиз учинчи голни урганди, аммо ҳакамлар видеотакрорни томоша қилиб, уни бекор қилишди. Гол қўл ёрдамида урилган деб топилди.

Иккинчи тайм тугашига 5 дақиқа қолганида эса қозоғистонликлар сон жиҳатдан устунликда ўйнаб, учинчи голни урган ҳолда олдинга ўтиб олишди.

Учинчи бўлим бошида "Ҳумо" яна бир киши кам бўлиб ўйнади ва ўз дарвозасида шайба олиб чиқди — 2:4. Орадан кўп ўтмасдан астаналиклар бешинчи шайбани ҳам дарвозамизга киритишди. Тайм ўрталарида хоккейчиларимиз ҳисобни 3:5 кўринишга келтиришди.

Ўйин охирида эса майдонга дарвозабон ўрнига ўйинчи туширилгач, "Номад" олтинчи голни урди.

Шу тариқа, "Ҳумо" финалдаги ҳисоб тенглашди. Энди навбатдаги 2та ўйин 7 ва 8 апрель кунлари Астанада ўтказилади.

Хоккей. Қозоғистон чемпионати. Финал, 2-ўйин
"ҲУМО" - "АСТАНА" - 3:6 (2:1, 0:2, 1:3)
Голлар:
12:02. 0:1 — Алдияр Нұрлан
16:27. 1:1 — Антон Рехтин
17:39. 2:1  — Вадим Кравченко
23:04. 2:2  — Александр Пелевин
35:31. 2:3  — Максим Мухаметов
40:59. 2:4  — Александр Пелевин
45:36. 2:5 — Самат Данияр
49:32.  3:5 — Вадим Кравченко
58:29.  3:6 — Никита Колобов