«Manchester Yunayted» va Angliya terma jamoasining sobiq himoyachisi Gari Nevill kecha «Everton» - «Tottenxem Hotspur» (1:1) o‘rtasidagi uchrashuvda bo‘lib o‘tgan shov-shuvli epizodda hujumchi Xarri Keyn himoyasiga chiqdi.
«Everton» yarim himoyachisi Abdulay Dukure 58-daqiqada Xarri Keynning yuziga kafti bilan urgani uchun qizil kartochka olgandi.
«Tottenxem» hujumchisi o‘sha epizodda maysazorga yiqilib tushdi.
«Agar Keyn yiqilmaganida, hakam sariq kartochka bilan cheklanishi mumkin edi. Xarri Dukurening chetlatilishiga ishonch hosil qilish uchun maydonga yiqildi.
Bu o‘yinning odamlarga yoqmaydigan qismi. Ammo hamma o‘yinda g‘alaba qozonishni xohlaydi. Siz buni firibgarlik deb atashingiz mumkin, ammo qo‘lingiz bilan birovning ko‘ziga qo‘l tekkizish mumkin emas», dedi Nevill.
