«Манчестер Юнайтед» ва Англия терма жамоасининг собиқ ҳимоячиси Гари Невилл кеча «Эвертон» - «Тоттенхем Ҳотспур» (1:1) ўртасидаги учрашувда бўлиб ўтган шов-шувли эпизодда ҳужумчи Харри Кейн ҳимоясига чиқди.
«Эвертон» ярим ҳимоячиси Абдулай Дукуре 58-дақиқада Харри Кейннинг юзига кафти билан ургани учун қизил карточка олганди.
«Тоттенхэм» ҳужумчиси ўша эпизодда майсазорга йиқилиб тушди.
«Агар Кейн йиқилмаганида, ҳакам сариқ карточка билан чекланиши мумкин эди. Харри Дукуренинг четлатилишига ишонч ҳосил қилиш учун майдонга йиқилди.
Бу ўйиннинг одамларга ёқмайдиган қисми. Аммо ҳамма ўйинда ғалаба қозонишни хоҳлайди. Сиз буни фирибгарлик деб аташингиз мумкин, аммо қўлингиз билан бировнинг кўзига қўл теккизиш мумкин эмас», деди Невилл.
