"Manchester Yunayted" yarim himoyachisi Kristian Eriksen jamoaning asosiy mashg‘ulotlariga qaytdi. Bu uch oylik tanaffusdan keyin sodir bo‘ldi.
31 yoshli daniyalik futbolchi joriy yilning 28 yanvar kuni Angliya kubogi 1/8 finalida "Reding"ga qarshi o‘yinda (3:1) to‘pig‘idan olgan jarohatini da’volatib kelmoqda.
Eriksenning maydonga qaytishi yaqinlashayotganini "Manchester Yunayted" bosh murabbiyi Erik ten Xag ham tasdiqladi.
Kristian Eriksen 2022/23-yilgi mavsumda “Manchester Yunayted” safida barcha musobaqalarda 31 ta o‘yinda maydonga tushib, 2 ta gol urdi va 9 ta golli uzatmani amalga oshirdi.