"Yuventus" bosh murabbiyi Massimiliano Allegri Italiya kubogi yarim finalida "Inter"ga (1:1) qarshi o‘yin haqida fikr bildirdi.

Turinliklar 83-daqiqada Xuan Kuadradoning harakatlari evaziga hisobda oldinga chiqib olishdi. Ikkinchi bo‘limga qo‘shib berilganbeshinchi daqiqada Romelu Lukaku penaltini aniq amalga oshirib, mehmonlarga mag‘lubiyatdan qutulib qolish imkonini berdi.

"Inter" barcha qiyinchiliklarga qaramay "Inter" bo‘lib qolmoqda. Oxirida g‘alabani qo‘ldan boy berish uyat, lekin menimcha, natija adolatli bo‘ldi. Har ikki jamoa to‘pga ega bo‘ldi va vaziyatlar yaratdi. Biz qarama-qarshilik taqdiri bugun emas, balki javob o‘yinida hal bo‘lishini bilardik", - dedi Allegri.

Javob o‘yini 26 aprel kuni Milanda bo‘lib o‘tadi.