"Ювентус" бош мураббийи Массимилиано Аллегри Италия кубоги ярим финалида "Интер"га (1:1) қарши ўйин ҳақида фикр билдирди.
Туринликлар 83-дақиқада Хуан Куадрадонинг ҳаракатлари эвазига ҳисобда олдинга чиқиб олишди. Иккинчи бўлимга қўшиб берилганбешинчи дақиқада Ромелу Лукаку пеналтини аниқ амалга ошириб, меҳмонларга мағлубиятдан қутулиб қолиш имконини берди.
"Интер" барча қийинчиликларга қарамай "Интер" бўлиб қолмоқда. Охирида ғалабани қўлдан бой бериш уят, лекин менимча, натижа адолатли бўлди. Ҳар икки жамоа тўпга эга бўлди ва вазиятлар яратди. Биз қарама-қаршилик тақдири бугун эмас, балки жавоб ўйинида ҳал бўлишини билардик", - деди Аллегри.
Жавоб ўйини 26 апрель куни Миланда бўлиб ўтади.
