"Bavariya" markaziy himoyachisi Matteys de Ligt Germaniya kubogi chorak finalida "Frayburg"dan uchralgan mag‘lubiyatdan keyin (1:2) o‘z fikrlari bilan o‘rtoqlashdi.
“Bugungi o‘yinda biz yetarlicha kuchli o‘ynamadik, juda kam vaziyatlar yaratdik. So‘nggi daqiqada hal qiluvchi golni o‘tkazib yuborish juda yoqimsiz. Maksimal darajada o‘zimizni ko‘rsatmadik, degan fikr bor. Biz har doim barcha sovrinlar uchun kurashishimiz kerak, chunki biz "Bavariya"miz, ammo endi o‘zimizni tiklab, oldinga qarashimiz kerak", - dedi futbolchi o‘yindan keyingi intervyusida.
