«Inter» va Turinning «Yuventus» klublari Italiya Kubogining birinchi yarim final bahsida 1:1 hisobida durang o‘ynadi, biroq o‘yin oxirida Romelu Lukaku chetlatildi.
Turin klubi darvozaboni Mattia Perin belgiyalikni turinliklarga nisbatan hurmatsizlik ko‘rsatdi, deb hisoblamoqda.
«Durangdan biroz hafsalamiz pir bo‘ldi, ammo o‘yin keskin, tengma-teng o‘tdi. O‘yin oxiridagi to‘qnashuv chiroyli bo‘lmadi. Lukaku hurmatsizlik qildi», - deya Perinning so‘zlarini keltirmoqda fcinter1908.it.
Italiya kubogi yarim finali doirasidagi «Yuventus» va «Inter» jamoalari o‘rtasidagi javob uchrashuvi yigirma oltinchi aprel kuni bo‘lib o‘tadi.
