«Интер» ва Туриннинг «Ювентус» клублари Италия Кубогининг биринчи ярим финал баҳсида 1:1 ҳисобида дуранг ўйнади, бироқ ўйин охирида Ромелу Лукаку четлатилди.
Турин клуби дарвозабони Маттиа Перин бельгияликни туринликларга нисбатан ҳурматсизлик кўрсатди, деб ҳисобламоқда.
«Дурангдан бироз ҳафсаламиз пир бўлди, аммо ўйин кескин, тенгма-тенг ўтди. Ўйин охиридаги тўқнашув чиройли бўлмади. Лукаку ҳурматсизлик қилди», - дея Периннинг сўзларини келтирмоқда fcinter1908.it.
Италия кубоги ярим финали доирасидаги «Ювентус» ва «Интер» жамоалари ўртасидаги жавоб учрашуви йигирма олтинчи апрель куни бўлиб ўтади.
