«Napoli» markaziy himoyachisi Kim Min Jega Angliya Premyer-ligasidan qiziqishlar ortib bormoqda.

26 yoshli futbolchi Italiyaga ko‘chib o‘tgandan so‘ng debyut mavsumida «Napoli»ning asosiy figuralaridan biriga aylandi.

Daily Mail xabariga ko‘ra, janubiy koreyalik markaziy himoyachi uchun asosiy da’vogarlar hozirda «Manchester Yunayted» va «Liverpul» bo‘lib, «Tottenxem» ham poygada ishtirok etmoqda.

Min Jening shartnomasida tovon puli 45 million yevroni tashkil etadi. «Napoli» o‘z yulduzi bilan yangi shartnoma ustida ishlamoqda.

Kim Min joriy mavsumda 36 ta o‘yinda 2 ta gol urdi va 1 ta golli uzatmaga mualliflik qildi.