«Наполи» марказий ҳимоячиси Ким Мин Жэга Англия Премьер-лигасидан қизиқишлар ортиб бормоқда.

26 ёшли футболчи Италияга кўчиб ўтгандан сўнг дебют мавсумида «Наполи»нинг асосий фигураларидан бирига айланди.

Daily Mail хабарига кўра, жанубий кореялик марказий ҳимоячи учун асосий даъвогарлар ҳозирда «Манчестер Юнайтед» ва «Ливерпуль» бўлиб, «Тоттенхэм» ҳам пойгада иштирок этмоқда.

Мин Жэнинг шартномасида товон пули 45 миллион еврони ташкил этади. «Наполи» ўз юлдузи билан янги шартнома устида ишламоқда.

Ким Мин жорий мавсумда 36 та ўйинда 2 та гол урди ва 1 та голли узатмага муаллифлик қилди.