«Inter» hujumchisi Romelu Lukaku seshanba kuni «Yuventus»ga qarshi kubok o‘yinida irqchilikka duch keldi.
Ertasi kuni belgiyalik futbolchi ijtimoiy tarmoqda post qoldirdi.
«Tarix takrorlanadi. Men buni 2019 yilda boshdan kechirdim, endi esa 2023 yilda yana... Umid qilamanki, liga bu safar rasizmga qarshi haqiqiy harakatni boshlaydi, chunki hamma bu ajoyib o‘yindan zavq olishi kerak. Yordam xabarlari uchun rahmat», deb yozgan Lukaku.
Eslatib o‘tamiz, «Yuventus» - «Inter» uchrashuvi 1:1 hisobida yakunlangan edi. Jamoalar javob o‘yinida Italiya kubogi finali yo‘llanmasi uchun kurash olib boradi.
