«Интер» ҳужумчиси Ромелу Лукаку сешанба куни «Ювентус»га қарши кубок ўйинида ирқчиликка дуч келди.
Эртаси куни бельгиялик футболчи ижтимоий тармоқда пост қолдирди.
«Тарих такрорланади. Мен буни 2019 йилда бошдан кечирдим, энди эса 2023 йилда яна... Умид қиламанки, лига бу сафар рацизмга қарши ҳақиқий ҳаракатни бошлайди, чунки ҳамма бу ажойиб ўйиндан завқ олиши керак. Ёрдам хабарлари учун раҳмат», деб ёзган Лукаку.
Эслатиб ўтамиз, «Ювентус» - «Интер» учрашуви 1:1 ҳисобида якунланган эди. Жамоалар жавоб ўйинида Италия кубоги финали йўлланмаси учун кураш олиб боради.
