Angliya premyer-ligasining 7-turidan o‘rin olgan qoldirilgan o‘yinda «Vest Xem» o‘z maydonida «Nyukasl»ga yirik hisobda mag‘lub bo‘ldi – 1:5.
Braziliyalik hujumchi Joelinton jamoasining ikki goliga mualliflik qildi. O‘yindan so‘ng u muvaffaqiyat haqida taassurotlari bilan o‘rtoqlashdi.
«Katta g‘alaba. Butun jamoa yaxshi o‘ynadi. Bahs juda yaxshi boshlandi, keyin biroz sekinlashdi. Ammo ikkinchi bo‘lim qoniqarli o‘tdi.
Men juda xursandman. Beshta gol – bu ajoyib», – deya Joelintonning so‘zlaridan iqtibos keltiradi BBC Sport.
