"Monsa" prezidenti Silvio Berluskoni leykemiya kasalligi bilan kasallangan. Bu haqda Italiyaning Il Corriere della Sera nashri xabar bermoqda. Italiyaning 86 yoshli sobiq bosh vaziri hozirda Milandagi klinikalardan birida, u yerda intensiv terapiya kursidan o‘tmoqda.

Eslatib o‘tamiz, Berluskoni chorshanba kuni kasalxonaga yotqizilgan edi. Uzoq vaqt davomida Silvio qanday muammolarga duch kelgani ma’lum emas edi, ammo manbaning ta’kidlashicha, bunga leykemiya sabab bo‘lgan. Shifokorlar italiyalikning hayoti uchun kurashni davom ettirmoqda.

Berluskoni ham avvalroq “Milan” prezidenti bo‘lgan. Silvio davrida “rossonerilar” bir necha bor Chempionlar ligasida g‘olib chiqqan. Hozirda Berluskonining "Monsa" klubi turnir jadvalida o‘n uchinchi o‘rinda bormoqda.