"Монца" президенти Силвио Берлускони лейкемия касаллиги билан касалланган. Бу ҳақда Италиянинг Il Corriere della Sera нашри хабар бермоқда. Италиянинг 86 ёшли собиқ бош вазири ҳозирда Миландаги клиникалардан бирида, у ерда интенсив терапия курсидан ўтмоқда.
Эслатиб ўтамиз, Берлускони чоршанба куни касалхонага ётқизилган эди. Узоқ вақт давомида Силвио қандай муаммоларга дуч келгани маълум эмас эди, аммо манбанинг таъкидлашича, бунга лейкемия сабаб бўлган. Шифокорлар италияликнинг ҳаёти учун курашни давом эттирмоқда.
Берлускони ҳам аввалроқ “Милан” президенти бўлган. Силвио даврида “россонерилар” бир неча бор Чемпионлар лигасида ғолиб чиққан. Ҳозирда Берлусконининг "Монца" клуби турнир жадвалида ўн учинчи ўринда бормоқда.
