Frenk Lempard bugun rasman "Chelsi" bosh murabbiyi lavozimiga qaytishi rejalashtirilgan. Avval xabar qilinganidek, angliyalik sobiq futbolchi jamoa bilan mavsum yakuniga qadar shartnoma imzolaydi va vaqtinchalik murabbiy sifatida ishlaydi.
Jurnalist Mett Louning so‘zlariga ko‘ra, Lempard qaytganidan keyin bugun "aristokratlar" boshqaruvidagi ilk mashg‘ulotlarini o‘tkazishi kerak. Frenk avvalroq "ko‘klar"ning "Stemford Brij"da "Liverpul"ga qarshi so‘nggi o‘yiniga tashrif buyurgan edi.
Eslatib o‘tamiz, Lempard 2019 yildan 2021 yilgacha "Chelsi"ni boshqargan. Angliyalik futbolchi "ko‘klar"ni Angliya kubogi finaliga olib chiqdi, shuningdek, transfer taqiqi ostida jamoa bilan kuchli 4-o‘rinni egalladi.
