Фрэнк Лэмпард бугун расман "Челси" бош мураббийи лавозимига қайтиши режалаштирилган. Аввал хабар қилинганидек, англиялик собиқ футболчи жамоа билан мавсум якунига қадар шартнома имзолайди ва вақтинчалик мураббий сифатида ишлайди.
Журналист Метт Лоунинг сўзларига кўра, Лэмпард қайтганидан кейин бугун "аристократлар" бошқарувидаги илк машғулотларини ўтказиши керак. Фрэнк аввалроқ "кўклар"нинг "Стэмфорд Бриж"да "Ливерпуль"га қарши сўнгги ўйинига ташриф буюрган эди.
Эслатиб ўтамиз, Лэмпард 2019 йилдан 2021 йилгача "Челси"ни бошқарган. Англиялик футболчи "кўклар"ни Англия кубоги финалига олиб чиқди, шунингдек, трансфер тақиқи остида жамоа билан кучли 4-ўринни эгаллади.
