Madridning “Real” klubi bosh murabbiyi Karlo Anchelotti hujumchi Rodrigo ertaga Ispaniya chempionati doirasida bo‘lib o‘tadigan “Vilyarreal”ga qarshi o‘yinda ishtirok etmasligi haqidagi mish-mishlarni inkor qildi.
“Rodrigo yaxshi va ertaga o‘ynashga tayyor. O‘ylaymanki, u asosiy tarkibda maydonga tushadi", - dedi Anchelotti matbuot anjumanida.
Avvalroq, Rodrigo tizzasidagi noqulaylik tufayli bugun individual mashg‘ulot o‘tkazayotgani xabar qilingandi. Braziliyalik futbolchi "Vilyarreal"ga qarshi o‘yinni o‘tkazib yuborishi kutilgandi, ammo Anchelotti futbolchining ahvoli yaxshi ekanligiga ishontirdi.