Мадриднинг “Реал” клуби бош мураббийи Карло Анчелотти ҳужумчи Родриго эртага Испания чемпионати доирасида бўлиб ўтадиган “Вильярреал”га қарши ўйинда иштирок этмаслиги ҳақидаги миш-мишларни инкор қилди.
“Родриго яхши ва эртага ўйнашга тайёр. Ўйлайманки, у асосий таркибда майдонга тушади", - деди Анчелотти матбуот анжуманида.
Аввалроқ, Родриго тиззасидаги ноқулайлик туфайли бугун индивидуал машғулот ўтказаётгани хабар қилинганди. Бразилиялик футболчи "Вильярреал"га қарши ўйинни ўтказиб юбориши кутилганди, аммо Анчелотти футболчининг аҳволи яхши эканлигига ишонтирди.
