"Nissa" yarim himoyachisi Aaron Remzi klub bilan shartnomasini uzaytirishga yaqin turibdi, deb xabar beradi L'Equipe.

Manbaga ko‘ra, 32 yoshli uelslik futbolchi avtomatik ravishda mavsum uchun shartnoma uzaytirilishi uchun yetarlicha o‘yin to‘plagan, biroq klub uni asosiy o‘yinchi deb biladi, shu bois unga yangi uzoq muddatli shartnoma taklif qilishga tayyor.

Remzi o‘tgan yozdan beri “Nissa”da to‘p suradi. Joriy mavsumda u Fransiya 1-ligasida 23 ta o‘yinda maydonga tushib, 1 ta gol urdi va 2 ta golli uzatmani amalga oshirdi.