"PSJ" Dortmundning "Borussiya" klubi yarim himoyachisi Jud Bellingemning transferi bo‘yicha muzokaralarni faollashtirishga tayyor, chunki hujumchi Kilian Mbappening parijliklar safidagi kelajagi borasida noaniqlik bor, deb xabar qilmoqda AS jurnalisti Pakoyo Delgadoga tayanib.

Manbaga ko‘ra, "PSJ" Mbappening jamoani tark etishni xohlashidan qo‘rqmoqda. Bunday ssenariyda parijliklar Bellingemni qo‘lga kiritish uchun bor kuchlarini sarflashga tayyor.

19 yoshli ingliz futbolchisi joriy mavsumda klub safida 36 ta o‘yinda maydonga tushib, 10 ta gol urdi va 7 ta golli uzatmani amalga oshirdi. Transfermarkt uning bozor qiymatini 120 million yevroga baholamoqda.