«Chelsi» yarim himoyachisi Mateo Kovachich Grem Potterning London klubi bosh murabbiyligidan chetlatilganiga izoh berdi.
«O‘zingizga nisbatan halol bo‘lishingiz kerak. Axir murabbiyni ishdan bo‘shatish 30 nafar futbolchidan ko‘ra osonroq. Mas’uliyat ham o‘zimizda, biz yaxshiroq ishlashimiz kerak.
Lempardni yaxshi bilamiz, u bizning murabbiyimiz bo‘lgan. U qaytdi - yaxshi xabar. Natijamizni o‘zgartirishga harakat qiladi.
Biz qisqa uchrashuv o‘tkazdik. U bizdan nimani kutayotganini tushuntirdi. Oldinda «Real Madrid»ga qarshi ikkita ajoyib o‘yin kutib turibdi, shuning uchun mavsumni yaxshi yakunlash imkoniyati hali ham mavjud, biz undan foydalanishimiz kerak», - deya Kovachichning so‘zlarini keltiradi Daily Mail.
