«Челси» ярим ҳимоячиси Матео Ковачич Грэм Поттернинг Лондон клуби бош мураббийлигидан четлатилганига изоҳ берди.

«Ўзингизга нисбатан ҳалол бўлишингиз керак. Ахир мураббийни ишдан бўшатиш 30 нафар футболчидан кўра осонроқ. Масъулият ҳам ўзимизда, биз яхшироқ ишлашимиз керак.

Лэмпардни яхши биламиз, у бизнинг мураббийимиз бўлган. У қайтди - яхши хабар. Натижамизни ўзгартиришга ҳаракат қилади.

Биз қисқа учрашув ўтказдик. У биздан нимани кутаётганини тушунтирди. Олдинда «Реал Мадрид»га қарши иккита ажойиб ўйин кутиб турибди, шунинг учун мавсумни яхши якунлаш имконияти ҳали ҳам мавжуд, биз ундан фойдаланишимиз керак», - дея Ковачичнинг сўзларини келтиради Daily Mail.