"Fenerbaxche" yarim himoyachisi Arda Gyuler "Barselona"ning nishoniga aylandi. Relevo xabariga ko‘ra, "ko‘k-anorranglilar" turkiyalik yarim himoyachini sotib olish haqida jiddiy o‘ylamoqda.
18 yoshli yarim himoyachi uzoq vaqtdan beri top-klublarning radarida bo‘lib turibdi. "Barselona" so‘nggi paytlarda hali o‘z salohiyatini to‘liq ko‘rsatmagan yosh o‘yinchilarni sotib olish siyosatini olib bormoqda. Gyuler aynan shu toifaga mos keladi.
Turkiya chempionatining ushbu qur’asida Gyuler o‘n bir uchrashuvda ikkita gol urdi. Arda yaqinda GOAL talqini bo‘yicha dunyoning eng istiqbolli futbolchilari ro‘yxatidan o‘rin oldi.
