"Фенербахче" ярим ҳимоячиси Арда Гюлер "Барселона"нинг нишонига айланди. Relevo хабарига кўра, "кўк-анорранглилар" туркиялик ярим ҳимоячини сотиб олиш ҳақида жиддий ўйламоқда.
18 ёшли ярим ҳимоячи узоқ вақтдан бери топ-клубларнинг радарида бўлиб турибди. "Барселона" сўнгги пайтларда ҳали ўз салоҳиятини тўлиқ кўрсатмаган ёш ўйинчиларни сотиб олиш сиёсатини олиб бормоқда. Гюлер айнан шу тоифага мос келади.
Туркия чемпионатининг ушбу қуръасида Гюлер ўн бир учрашувда иккита гол урди. Арда яқинда GOAL талқини бўйича дунёнинг энг истиқболли футболчилари рўйхатидан ўрин олди.
