Niderlandiyaning PSV klubi yarim himoyachisi Xavi Simons yozda “Barselona”ga qaytishi dargumon.

19 yoshli futbolchining Kataloniya klubiga qaytishi mumkinligi haqidagi mish-mishlar bir kun oldin paydo bo‘lgandi. Hujumkor yarim himoyachi o‘zini PSV tarkibida muvaffaqiyatli namoyon etmoqda, bu tufayli u yetakchi ligalar vakillarining e’tiborini tortdi. Xavi Migelning so‘zlariga ko‘ra, Simonsning "Barselona"ga o‘tishi hozircha dargumon - "ko‘k-anorranglilar" bosh murabbiyi Xavi Ernandes niderlandiyalik yosh futbolchini o‘z rejalarida ko‘rmayapti.

Xavi Simons joriy mavsumda PSV safida 39 ta o‘yinda maydonga tushib, 16 ta gol va 8 ta golli uzatmani amalga oshirdi. Transfermarkt uning narxini 30 million yevroga baholamoqda.