"Vilyarreal" klubi yarim himoyachi Aleks Baena va "Real" yarim himoyachisi Federiko Valverde o‘rtasidagi mojaro yuzasidan rasmiy bayonot berdi.

"Baena "Santyago Bernabeu" stadionida "Real"ga qarshi o‘yindan keyin jamoa avtobusida ketayotganida hujumga uchradi.

Bunday vaziyatga duch kelgan futbolchi tajovuzkorlik ustidan milliy polisiyaga shikoyat qilishga qaror qildi.

"Vilyarreal" har qanday zo‘ravonlik harakatlariga qarshi ekanligini yana bir bor namoyish etadi va o‘z futbolchisining butun jarayon davomida qo‘llab-quvvatlashi haqidagi versiyasiga qat’iy ishonadi", - deyiladi "Vilyarreal" bayonotida.

Valverde tarafiga ko‘ra, Baena yanvar oyidagi o‘yinda Valverdega shunday degan: "Endi bolam tug‘ilmaydi deb yig‘lang". O‘shanda Federikoning xotini homilador edi, bolani yo‘qotish xavfi bor edi.

8 aprel kungi o‘yinda Valverde va Baena yana maydonda to‘qnash kelishdi, Aleks yana Federikoning farzandi haqida nimadir degandek bo‘ldi. "Real" va "Vilyarreal" uchrashuvidan so‘ng Valverde mehmon jamoaning avtobusi yo‘lida Baenani kutib turgan va uning yuziga musht tushirgan.

"Vilyarreal" futbolchisining o‘zi Valverde haqida bunday so‘zlarni aytganini inkor etmoqda.